ఉత్తర కొరియా సైనిక చర్యలు అనూహ్యంగా ఉంటాయి. తాజాగా జపాన్‌పైకి ఉత్తర కొరియా ఒక బాలిస్టిక్ మిస్సైల్ ప్రయోగించింది. భారత కాలమానం ప్రకారం మంగళవారం అర్ధరాత్రి 2.30 గంటల సమయంలో ఉత్తర కొరియా తన తీర ప్రాంతం నంచి జపాన్‌పైకి ఒక మిస్సైల్‌ను పరీక్షించింది. వోన్సమ్ ప్రాంతంలోని ఉత్తర తీరం నుంచి ప్రయోగించిన ఈ మిస్సైల్.. జపాన్ స్పెషల్ ఎకనామిక్ జోన్‌ సమీపంలో పడ్డట్లు జపాన్ ప్రభుత్వం తెలిపింది…
ఉత్తర కొరియా తన తూర్పు తీరం నుంచి జపాన్ వైపు బాలిస్టిక్ క్షిపణిని ప్రయోగించిందని దక్షిణ కొరియా సైన్యం తెలిపింది. దక్షిణ కొరియా జాయింట్ చీఫ్స్ ఆఫ్ స్టాఫ్ ఉత్తర కొరియా తూర్పు తీరంలోని వోన్సాన్ ప్రాంతం నుంచి ఈ బాలిస్టిక్ క్షిపణిని ప్రయోగించగా, అది 700 కిలోమీటర్లకు పైగా ప్రయాణించింది…దీనికి ప్రతిస్పందనగా, దక్షిణ కొరియా అధ్యక్ష జాతీయ భద్రతా మండలి ఒక ప్రకటన జారీ చేస్తూ, బాలిస్టిక్ క్షిపణి ప్రయోగాలను ఆపాలని ఉత్తర కొరియాను కోరింది. ఈ ప్రయోగాలు ఐక్యరాజ్యసమితి భద్రతా మండలి తీర్మానాలను ధిక్కరించే “రెచ్చగొట్టే చర్యలు” అని ఆ ప్రకటన పేర్కొంది.
ఉత్తర కొరియా నుండి జరిగినట్లు అనుమానిస్తున్న ఒక బాలిస్టిక్ క్షిపణి ప్రయోగాన్ని తాము కూడా గుర్తించినట్లు జపాన్ రక్షణ మంత్రిత్వ శాఖ బుధవారం తెలిపింది. ఆ ఆయుధం జపాన్ ప్రత్యేక ఆర్థిక మండలానికి చేరినట్లు తాము గుర్తించలేదని, బహుశా అది జపాన్ తీరానికి మరింత దూరంగా పడి ఉంటుందని భావిస్తున్నట్లు పేర్కొంది..వారం లోపే ఉత్తర కొరియా నిర్వహించిన రెండవ బాలిస్టిక్ క్షిపణి పరీక్ష ఇది. ఉత్తర కొరియా దండయాత్ర రిహార్సల్‌గా భావిస్తున్న, త్వరలో జరగబోయే దక్షిణ కొరియా-అమెరికా సైనిక విన్యాసాలకు ముందు ఈ క్షిపణి పరీక్షలు జరిగాయి..
