ప్రపంచవ్యాప్తంగా చమురు ధరలను శాసించే ఒపెక్ (OPEC) సామ్రాజ్యం బీటలు వారుతోంది. సరిగ్గా 1971లో ఆ కూటమిలో చేరి, గత ఐదు దశాబ్దాలుగా సౌదీ అరేబియాతో కలిసి నడిచిన యూఏఈ (UAE), ఇప్పుడు ఆ బంధాన్ని తెంచుకుంది. ఇరాన్ యుద్ధ మేఘాలు కమ్ముకుంటున్న వేళ, గ్లోబల్ ఎనర్జీ మార్కెట్‌లో ఇది సంచలనంగా మారింది. ఈ నిర్ణయం కేవలం ఒక దేశం కూటమి నుంచి తప్పుకోవడం మాత్రమే కాదు, మీ జేబులో ఉండే పర్సుపై, మీ బైక్ లేదా కార్లో పోయించుకునే పెట్రోల్ ధరపై నేరుగా ప్రభావం చూపే కీలక పరిణామం.
ఎందుకు ఈ అనూహ్య నిర్ణయం
యూఏఈ గడిచిన కొన్నేళ్లుగా తన చమురు ఉత్పత్తి సామర్థ్యాన్ని పెంచుకోవడానికి బిలియన్ల డాలర్లు ఖర్చు చేసింది. కానీ ఒపెక్ నిబంధనల ప్రకారం.. ధరలు పెంచడం కోసం ఉత్పత్తిని తగ్గించుకోవాలి. అంటే, కోట్లు ఖర్చు చేసి నిర్మించుకున్న రిఫైనరీలను ఖాళీగా ఉంచాలన్నమాట. ఇది దుబాయ్ లాంటి అభివృద్ధి చెందుతున్న ఆర్థిక వ్యవస్థకు నష్టదాయకంగా మారింది. “మా సుదీర్ఘ వ్యూహాత్మక ప్రణాళికలో భాగంగానే ఈ నిర్ణయం తీసుకున్నాం” అని యూఏఈ ఇంధన శాఖ మంత్రి సుహైల్ అల్ మజ్రూయీ స్పష్టం చేశారు. సింపుల్ గా చెప్పాలంటే, తన సరుకును ఎప్పుడు, ఎంతకు అమ్ముకోవాలో నిర్ణయించుకునే స్వేచ్ఛను యూఏఈ…
ఇటీవలి సంవత్సరాలలో, ఒపెక్ లో సౌదీ అరేబియా మరియు ఇరాక్ తర్వాత యూఏఈ చమురు ఉత్పత్తి మూడవ స్థానంలో ఉంది. అబుదాబి 1967లో ఒపెక్ లో చేరినప్పటికీ, పూర్తి యునైటెడ్ అరబ్ ఎమిరేట్స్ 1971లో సార్వభౌమ దేశంగా ఏర్పడినప్పటి నుండి సభ్యదేశంగా ఉంది.
“అరేబియా గల్ఫ్ మరియు హోర్ముజ్ జలసంధిలో అంతరాయాలతో సహా స్వల్పకాలిక అస్థిరత సరఫరా గతిశీలతను ప్రభావితం చేస్తూనే ఉన్నప్పటికీ, అంతర్లీన ధోరణులు మధ్యకాలికం నుండి దీర్ఘకాలికంగా ప్రపంచ ఇంధన డిమాండ్‌లో నిరంతర వృద్ధిని సూచిస్తున్నాయి,” అని పర్షియన్ గల్ఫ్‌ను సూచించడానికి కొన్ని అరబ్ దేశాలు ఉపయోగించే పేరును వాడుతూ, యూఏఈ తన ప్రభుత్వ ఆధీనంలోని వార్తా సంస్థ వెబ్‌సైట్‌లో పోస్ట్ చేసిన ప్రకటనలో పేర్కొంది.
“యూఏఈ వైదొలగడం ఒపెక్ కు ఒక ముఖ్యమైన మార్పును సూచిస్తుంది,” అని రిస్టాడ్ ఇంధన విశ్లేషకుడు జార్జ్ లియోన్ అన్నారు. “హోర్ముజ్ జలసంధిలో కొనసాగుతున్న అంతరాయాల దృష్ట్యా స్వల్పకాలిక ప్రభావాలు తక్కువగా ఉండవచ్చు, కానీ దీర్ఘకాలిక పర్యవసానం ఏమిటంటే ఒపెక్ నిర్మాణాత్మకంగా బలహీనపడుతుంది.”
భారత్‌పై దీని ప్రభావం ఏంటి?
భారతదేశం తన చమురు అవసరాల్లో 85% దిగుమతులపైనే ఆధారపడుతుంది. యూఏఈ మనకు అత్యంత సన్నిహిత మిత్రదేశం. “ఒపెక్ లాంటి కూటముల గుత్తాధిపత్యం తగ్గడం వల్ల భారత్ వంటి పెద్ద వినియోగదారు దేశాలకు బేరమాడే శక్తి పెరుగుతుంది” అని మార్కెట్ నిపుణులు విశ్లేషిస్తున్నారు. యూఏఈ ఇప్పుడు నేరుగా ఇండియన్ ఆయిల్ కంపెనీలతో ప్రత్యేక ఒప్పందాలు చేసుకునే అవకాశం ఉంది. దీనివల్ల మధ్యవర్తులు లేదా కూటమి ఆంక్షలు లేకుండా మనకు తక్కువ ధరకు ముడి చమురు దొరికే ఛాన్స్ ఉంది.
ప్రస్తుత పరిస్థితి గందరగోళమే..
యూఏఈ నిర్ణయం వల్ల ధరలు తగ్గాల్సి ఉన్నా, ఇరాన్ యుద్ధం కారణంగా ‘బ్రెంట్ క్రూడ్’ ధర ప్రస్తుతం బ్యారెల్‌కు 104 డాలర్ల పైనే ఉంది. హార్ముజ్ జలసంధి నుంచి సరఫరా నిలిచిపోతుందనే భయం మార్కెట్‌ను వెంటాడుతోంది. అయితే, మే 1 నుంచి యూఏఈ అధికారికంగా బయటకు రాగానే, ఆ దేశం తన ఉత్పత్తిని పెంచితే మాత్రం ప్రపంచ మార్కెట్‌లో చమురు వరద పారుతుంది. అప్పుడు పెట్రోల్, డీజిల్ ధరలు గణనీయంగా తగ్గే అవకాశం మెండుగా ఉంది.కోరుకుంటోంది.
