భారతీయ నావికులతో ప్రయాణిస్తున్న పనామా జెండా గల ఎల్‌పిజి ట్యాంకర్‌పై హోర్ముజ్ జలసంధిలో రెండుసార్లు దాడి,,!

భారతీయ నావికులతో ప్రయాణిస్తున్న పనామా జెండా గల ఎల్‌పిజి ట్యాంకర్‌పై సోమవారం, నవంబర్ 16న హోర్ముజ్ జలసంధిలో రెండుసార్లు దాడి జరిగింది. ఈ ఘటనలో ఒక భారతీయ నావికుడు గల్లంతయ్యాడు. ఈ ప్రాంతంలో వారం రోజుల్లోనే భారతీయ సిబ్బందితో ప్రయాణిస్తున్న నౌకపై జరిగిన మరో దాడి ఇది. తారా గ్యాస్ అనే ఈ నౌకను గుర్తుతెలియని క్షిపణులతో లక్ష్యంగా చేసుకున్నట్లు సమాచారం. కేంద్ర ఓడరేవులు, నౌకాయానం మరియు జలమార్గాల శాఖ మంత్రి సర్బానంద సోనోవాల్ X అనే మెయిల్ ద్వారా ఈ ఘటనను ధృవీకరించారు.కేంద్రం ప్రకారం, ఓడలోని 25 మంది సిబ్బందిలో 24 మంది ఆచూకీ లభించగా, ఆ తర్వాత జరిగిన దాడిలో ఒక భారతీయ నావికుడు గల్లంతయ్యాడు. దాడుల అనంతరం సిబ్బంది ఓడను విడిచిపెట్టవలసి వచ్చింది.ఈ సంఘటన తీవ్ర ఆందోళనకరమని వర్ణిస్తూ, గల్లంతైన నావికుడిని గుర్తించేందుకు అధికారులు ట్యాంకర్ కంపెనీ, సహాయక బృందాలతో సమన్వయం చేసుకుంటున్నారని సోనోవాల్ తెలిపారు. లెక్కలోకి వచ్చిన 24 మంది సిబ్బంది క్షేమంగా ఉన్నారని సమాచారం.గల్ఫ్ ప్రాంతంలో వారం రోజుల్లో భారతీయ నావికులకు సంబంధించిన మరో ఘటన ఇది. నవంబర్ 11న, యూఏఈలోని రాస్ అల్ ఖైమాకు వాయువ్యంగా సుమారు 14 నాటికల్ మైళ్ల దూరంలో లైబీరియా జెండా కలిగిన MT డొమినికా ప్రాస్పెరిటీ నౌకపై దాడి జరిగింది. దానిలోని 22 మంది సిబ్బందిలో 19 మంది భారత జాతీయులు ఉన్నారు. ఆ 22 మందిని యూఏఈ కోస్ట్ గార్డ్ సురక్షితంగా తరలించింది.ఈ రెండు సంఘటనలు గల్ఫ్ ప్రాంతంలో పనిచేస్తున్న వాణిజ్య నౌకల భద్రతపై ఆందోళనలను పెంచాయి. ప్రపంచ సముద్ర మార్గ చమురు వాణిజ్యంలో దాదాపు నాలుగో వంతు హోర్ముజ్ జలసంధి గుండా వెళుతుంది, అందువల్ల ఈ వ్యూహాత్మక జలమార్గంలో నౌకాయానానికి కలిగే ఏ చిన్న అంతరాయమైనా ప్రపంచ ఇంధన మార్కెట్లకు ఆందోళన కలిగించే అంశం