కిడ్నీ వైఫల్య సమస్యకు యశోద ఆసుపత్రిలో విజయవంతమైన చికిత్స..
అత్యంత తీవ్రతరం వ్యాధులను పరిష్కరిస్తున్న యశోద మలక్పేట్ హాస్పిటల్ వైద్య బృందం
దేవరకొండ……..
దేవరకొండకు చెందిన 32 ఏళ్ల చిన్న చక్కని పద్మ కు ఆక్యుట్ కిడ్నీ ఇంజరీతో కూడిన రాపిడ్లీ ప్రోగ్రెసివ్ రీనల్ ఫెయిల్యూర్‌ను సమయానికి గుర్తించి ప్రారంభ దశలోనే ప్రత్యేక నెఫ్రాలజీ చికిత్స అందించి డయాలసిస్ నుండి విముక్తి కలిగించామని హైదరాబాద్ మలక్పేట్ యశోద హాస్పిటల్ వైద్యులు తెలిపారు.
ఈ సందర్భంగా శనివారం దేవరకొండ పట్టణం లో ఏర్పాటు చేసిన మీడియా సమావేశంలో వారు మాట్లాడుతూ పద్మ జ్వరం, వణుకులు, అనంతరం శరీరమంతా వాపులతో బాధపడుతూ యశోద సూపర్ స్పెషాలిటీ ఆసుపత్రి, మలక్‌పేట్‌లో చేరిన వెంటనే డా. చెతన్ వీరమనేని, కన్సల్టెంట్ నెఫ్రాలజిస్ట్ & రీనల్ ట్రాన్స్‌ప్లాంట్ ఫిజీషియన్ ఆధ్వర్యంలో రోగికి సమగ్ర వైద్య పరీక్షలు నిర్వహించారని,కిడ్నీల పనితీరు తీవ్రంగా దెబ్బతిన్నట్లు నిర్ధారణ కావడంతో వ్యాధి మూలకారణాన్ని గుర్తించేందుకు అల్ట్రాసౌండ్ మార్గదర్శకత్వంలో రియల్‌టైమ్ రీనల్ బయాప్సీ నిర్వహించారని తెలిపారు. చికిత్స అనంతరం రోగి ఆరోగ్యం మెరుగుపడిందని, బయాప్సీ ప్రక్రియ ఎటువంటి ఇబ్బందులు లేకుండా పూర్తైందని,శరీర వాపులు తగ్గి రోగి పరిస్థితి స్థిరపడిందని,అవసరమైన మందులు, ఆహార నియమాలు, ఫాలోఅప్ సూచనలతో డిశ్చార్జ్ చేశారని అన్నారు.ఆక్యుట్ కిడ్నీ ఇంజరీతో కూడిన రాపిడ్లీ ప్రోగ్రెసివ్ రీనల్ ఫెయిల్యూర్‌ను సమయానికి గుర్తించి ప్రారంభ దశలోనే ప్రత్యేక నెఫ్రాలజీ చికిత్స అందించడం ఎంతో ముఖ్యమని లేకపోతే కిడ్నీలు శాశ్వతంగా దెబ్బతినే ప్రమాదం ఉంటుందని తెలిపారు. డయాలసిస్ ప్రారంభించిన రోగుల్లో సుమారు 50–60 శాతం మందికి, సమస్యను ప్రారంభంలోనే గుర్తించి సరైన చికిత్స అందిస్తే దీర్ఘకాలిక డయాలసిస్ అవసరం లేకుండా కోలుకునే అవకాశం ఉంటుందని సూచించారు.ముఖ్యంగా యువ రోగుల్లో కిడ్నీ సమస్యను ముందుగానే గుర్తించి సరైన వైద్య నిర్వహణ అందిస్తే, డయాలసిస్ ప్రారంభించినప్పటికీ లేదా క్రియాటినిన్ స్థాయిలు అధికంగా ఉన్నప్పటికీ తిరిగి కోలుకునే అవకాశాలు చాలా ఉంటాయని తెలిపారు.చికిత్స ద్వారా పూర్తిగా నయం అయ్యే కిడ్నీ వ్యాధులపై అవగాహన అవసరమని,సమస్యను ప్రారంభ దశలోనే గుర్తించి సరైన వైద్య చికిత్స అందిస్తే చాలామంది రోగులు పూర్తిగా కోలుకుని డయాలసిస్ అవసరం లేకుండా సాధారణ జీవితానికి తిరిగి వచ్చే అవకాశం ఉంటుందని తెలిపారు.
ఈ కేసు మలక్పేట్ యశోదా సూపర్ స్పెషాలిటీ ఆసుపత్రిలో అందుబాటులో ఉన్న అత్యాధునిక నెఫ్రాలజీ సేవలు, సమగ్ర వైద్య సదుపాయాలు, ఖచ్చితమైన నిర్ధారణ సామర్థ్యాన్ని మరోసారి ప్రతిబింబించింది. ఆక్యుట్ కిడ్నీ ఇంజరీతో పాటు రాపిడ్లీ ప్రోగ్రెసివ్ రీనల్ ఫెయిల్యూర్ వంటి క్లిష్ట పరిస్థితులను ప్రారంభ దశలోనే గుర్తించి, సమయానికి అధునాతన పరీక్షలు నిర్వహించి చికిత్స అందించడం ద్వారా రోగిని స్థిరపరచడంలో ఆసుపత్రి వైద్య బృందం విజయవంతమైందని,ప్రత్యేక నెఫ్రాలజీ పర్యవేక్షణ, రీనల్ బయాప్సీ వంటి ఆధునిక నిర్ధారణ విధానాలు, అనుభవజ్ఞులైన వైద్యుల సమన్వయం
ఈ విజయానికి కీలకంగా నిలిచాయని అన్నారు. అత్యాధునిక సాంకేతికత, ఆధునిక నెఫ్రాలజీ విభాగం, నిపుణులైన వైద్య బృందం, మరియు రోగి-కేంద్రిత వైద్య విధానాలతో క్లిష్టమైన కిడ్నీ వ్యాధులను కూడా సమర్థవంతంగా చికిత్స చేయగల సామర్థ్యం తమ ఆసుపత్రికి ఉందని యశోదా సూపర్ స్పెషాలిటీ ఆసుపత్రి, మలక్పేట్ డైరెక్టర్ గోరుకంటి పవన్, యూనిట్ హెడ్ కె. శ్రీనివాస్ రెడ్డి, అసోసియేట్ వైస్ ప్రెసిడెంట్ శ్రీనివాస్ చిదుర తెలియజేసినారు.
