తెల్లవారుజామున ముషీరాబాద్ పోలీస్ స్టేషన్ పరిధిలోని భోలక్‌పూర్ ప్రాంతంలో ఒక కలప గిడ్డంగిలో అగ్నిప్రమాదం సంభవించి, ఆ ప్రాంగణం పూర్తిగా కాలిపోవడంతో సుమారు రూ. 20 లక్షల నష్టం వాటిల్లింది..తెల్లవారుజామున సుమారు 3:15 గంటలకు అగ్నిప్రమాదం జరిగింది. మంటలను అదుపులోకి తీసుకురావడానికి ఆరు అగ్నిమాపక వాహనాలను రంగంలోకి దించారు. ఈ ఘటనలో ఎటువంటి గాయాలు లేదా ప్రాణనష్టం జరగలేదని ముషీరాబాద్ పోలీసులు తెలిపారు . అగ్నిప్రమాదానికి గల కారణంపై దర్యాప్తు జరుగుతోందని కూడా వారు పేర్కొన్నారు. రెండు వారాల్లో భోలక్‌పూర్ ప్రాంతంలో ఇది రెండవ అగ్నిప్రమాదం. మే 3న అదే ప్రాంతంలోని ఒక స్క్రాప్‌యార్డ్‌లో అగ్నిప్రమాదం జరిగింది. అప్పుడు అగ్నిమాపక అధికారులు షార్ట్ సర్క్యూట్‌నే కారణంగా అనుమానించారు.
