వైద్యులు ఎంత పోరాటం చేసిన కాపాడలేకపోయారు.
నర్సంపేట మాజీ ఎమ్మెల్యే పెద్దీ సుదర్శన్ రెడ్డి ఇక లేరు. నర్సంపేట మాజీ ఎమ్మెల్యే, సీనియర్ బీఆర్ఎస్ నాయకుడు పెద్దీ సుదర్శన్ రెడ్డి శుక్రవారం తెల్లవారుజామున 12.51 గంటలకు హైదరాబాద్‌లో కన్నుమూశారు. తీవ్రమైన పల్మనరీ ఎంబోలిజంతో బాధపడుతున్న ఆయన యశోద ఆసుపత్రిలో చికిత్స పొందుతూ తుదిశ్వాస విడిచారు. ఆయనకు వయసు 52 సంవత్సరాలు..ప్రముఖ ప్రజా నాయకుడు, బీఆర్ఎస్ అధ్యక్షుడు కే చంద్రశేఖర్ రావుకు మంచి అనుచరుడైన సుదర్శన్ రెడ్డి, జూలై 26న హనుమకొండలో తీవ్ర గుండెపోటుకు గురైన తర్వాత సికింద్రాబాద్‌లోని యశోద ఆసుపత్రిలో చేరారు.
మాజీ ఎమ్మెల్యే శుక్రవారం తెల్లవారుజామున 12.51 గంటలకు తుదిశ్వాస విడిచారని యశోద అధికారులు ప్రకటించారు. ఆయన తీవ్రమైన ఊపిరితిత్తుల ఇన్ఫెక్షన్‌తో కూడా బాధపడ్డారు. ప్రాథమిక చికిత్స అనంతరం ఆయన పరిస్థితి నిలకడగా ఉండగా, ఆదివారం తుదిశ్వాస విడిచారు.
ప్రజాదరణ కలిగిన ఈ నాయకుడు 2019 ఎన్నికలలో గెలిచి నర్సంపేట అసెంబ్లీ నియోజకవర్గం నుంచి భారత్ రాష్ట్ర సమితి (BRS)కి ప్రాతినిధ్యం వహించారు. ఆయన BRS వ్యవస్థాపకుడు కె. చంద్రశేఖర్ రావుకు మంచి అనుచరులలో ఒకరు మరియు తెలంగాణ పౌర సరఫరాల సంస్థకు ఛైర్మన్‌గా కూడా పనిచేశారు.
తెలంగాణ సాధనకు అండగా నిలిచిన ఆదర్శ నాయకుడైన సుదర్శన్ రెడ్డి, 1974 ఆగస్టు 6న ఉమ్మడి వరంగల్ జిల్లాలోని నల్లబెల్లి గ్రామంలో జన్మించారు. ఆయన 2001లో తెలంగాణ రాష్ట్ర సమితి (ప్రస్తుతం బీఆర్ఎస్) తరఫున జిల్లా పరిషత్ ప్రాదేశిక నియోజకవర్గం (జెడ్పీటీసీ) సభ్యుడిగా ఎన్నికయ్యారు.
ఆయన 2004లో టీఆర్ఎస్ జిల్లా పార్టీ కన్వీనర్‌గా ఎన్నికై, ఆ తర్వాత 2002లో రాష్ట్ర పార్టీ కన్వీనర్‌గా నామినేట్ అయ్యారు. ఆయన ఎనిమిదేళ్లకు పైగా టీఆర్ఎస్ వరంగల్ జిల్లా అధ్యక్షుడిగా ప్రత్యేక తెలంగాణ ఉద్యమానికి నాయకత్వం వహించి, ఆ తర్వాత టీఆర్ఎస్ పొలిట్‌బ్యూరో సభ్యుడిగా నామినేట్ అయ్యారు.
పెద్ది సుదర్శన్ రెడ్డి మృతితో జిల్లా వ్యాప్తంగా కూడా విషాదఛాయలు అమ్ముకున్నాయి..
