సర్జికల్ స్ట్రైక్ అంశంపై తెలంగాణ ముఖ్యమంత్రి కేసీఆర్ చేసిన వ్యాఖ్యలకు కేంద్ర మంత్రి అనురాగ్ ఠాకూర్ స్పందించారు…

పాకిస్తాన్ మాటల్లా ఉన్నాయి..కేసీఆర్‌కు స్ట్రాంగ్ కౌంటర్ ఇచ్చిన కేంద్ర మంత్రి..

తెలంగాణ సీఎం కేసీఆర్ చేసిన వ్యాఖ్యలపై పలువురు కేంద్ర మంత్రులు, బీజేపీ నేతలు కౌంటర్ ఇచ్చారు. కేసీఆర్ మాటలు బాధ్యతారాహిత్యంగా ఉన్నాయని కేంద్ర మంత్రి కిషన్ రెడ్డి అన్నారు. కేసీఆర్ వ్యాఖ్యలను తీవ్రంగా ఖండిస్తున్నట్టుగా చెప్పారు. పుల్వామా ఉగ్రదాడి జరిగి నేటితో మూడేళ్లు పూర్తవుతున్న సందర్బంగా ముఖ్యమంత్రి ఇలాంటి వ్యాఖ్యలు చేయడం ఆవేదనను, బాధ్యతారాహిత్యాన్ని, అజ్ఞానాన్ని తెలియజేస్తోందన్నారు. అభినందన్ వర్తమాన్ వీరత్వం ఫ్రూప్ కాదా అంటూ ప్రశ్నించారు. సర్జికల్ స్ట్రైక్స్ తర్వాత 6 నెలల పాటు పాకిస్తాన్‌ నో ప్లై జోన్ ప్రకటించుకుందన్నారు. ఈ ఆధారాలు కేసీఆర్‌కు పరిపోవా అని ప్రశ్నించారు..
సర్జికల్ స్ట్రైక్ అంశంపై తెలంగాణ ముఖ్యమంత్రి కేసీఆర్ చేసిన వ్యాఖ్యలకు కేంద్ర మంత్రి అనురాగ్ ఠాకూర్ స్పందించారు. ఆయన మాటలకు కౌంటర్ ఇచ్చారు. హుజూరాబాద్‌లో జరిగిన సర్జికల్ స్ట్రైక్‌తో కేసీఆర్‌కు భయం పట్టుకుందన్నారు. ఆ కారణంగానే తెంలంగాణ సీఎంలో ఆగ్రహం, ఉద్వేగం కనిపిస్తోందంటూ సెటైర్లే వేశారు. ఇప్పుడు ఒక్క ఎన్నికల్లో ఓడిపోయాం.. రానున్న రోజుల్లో తెలంగాణలో అధికారం చేజారుతుందనే భయంతోనే ఆయన ఇలాంటి అర్థం లేని కామెంట్స్ చేస్తున్నారంటూ కేంద్ర మంత్రి ఠాకూర్ ఫైర్ అయ్యారు. అంతేకాదు.. కాంగ్రెస్, టీఆర్ఎస్ నేతల మాటలు పాకిస్తాన్ మాటలను తలపిస్తు్న్నాయంటూ ఘాటైన వ్యాఖ్యలు చేశారు. ఎన్నికలు వచ్చినప్పుడల్లా ఏదో ఒక రచ్చ క్రియేట్ చేస్తున్నారంటూ విమర్శలు గుప్పించారు. అభివృద్ధి విషయంలో బీజేపీతో పోటీ పడలేక కొందరు హిజాబ్ అంటున్నారు.. మరికొందరు సర్జికల్ స్ట్రైక్స్ అంటున్నారని తూర్పారబట్టారు.
సర్జికల్ స్ట్రైక్‌పై కేసీఆర్ ఏమన్నారంటే..
ఆదివారం నాడు మీడియాతో మాట్లాడిన ఆయన.. భారత సైన్యం చేసిన సర్జికల్ స్ట్రైక్‌కు సంబంధించి ప్రూఫ్స్ ఏంటని ప్రశ్నించారు. ఈ విషయంలో రాహుల్ గాంధీకి తాను కూడా మద్దతిస్తున్నానని అన్నారు. సర్జికల్ స్ట్రైక్స్ పై ప్రూఫ్స్ రాహుల్ గాంధీ అడగడం కాదు.. నేనే కూడా అడుగుతున్నాను. రాహుల్ గాంధీ అడిగినదాంట్లో ఏమాత్రం తప్పు లేదు.’’ అని బీజేపీపై ధ్వజమెత్తారు.