యూఎస్‌లో దీపావళి వేడుకలు జరుపుకుంటుండగా ప్లకార్డులతో రెచ్చిపోయిన ట్రంప్ మద్దతుదారులు!
అమెరికా అధ్యక్షుడు డోనాల్డ్ ట్రంప్ ఇటీవల జరిగిన మధ్యంతర ఎన్నికల్లో రిపబ్లికన్ పార్టీ ఓటమికి హిందువులే కారణమని ఆయన మద్ధతుదారులు ఆరోపించారు..ఈ నేపథ్యంలో సీయటిల్‌లో భారతీయులు దీపావళి వేడుకలు జరుపుతున్న సమయంలో చొచ్చుకు వచ్చిన ఇద్దరు ట్రంప్ మద్దతుదారులు వారిని అడ్డుకున్నారు. అక్కడ ప్రదర్శించిన ప్లకార్డులలో “క్రిస్టియన్ హిందువులు ఆక్రమిస్తున్నారు, వారిని వెళ్లగొట్టండి” అని రాసి ఉంది.
Donald trump Supporters Disrupt Diwali Event in Seattle with Anti …
అమెరికాలోని సీయాటిల్‌లో దీపావళి వేడుకలు సాంప్రదాయబద్ధంగా నిర్వహించారు. ఆ సమయంలోనే కొందరు అమెరికన్లు మరోసారి జాత్యాహంకారాన్ని ప్రదర్శించారు. దీనిని అమెరికన్ చట్టసభ సభ్యులతో పాటు సామాజిక నాయకులు కూడా తీవ్రంగా ఖండించారు. శనివారం జరిగిన ఈ నృత్య ప్రదర్శనలో ‘తిలకం ధరించిన వారిని బహిష్కరించాలని, క్రైస్తవుల స్థానంలో హిందువులను స్థిరపరచడం ఆపాలని’ వారు నినదించారు. ఈ వీడియో సోషల్ మీడియాలో వైరల్ అయింది. వెంటనే సియాటిల్ సెంటర్ ఆర్మరిలో జరిగిన ఈ దీపావళి వేడుక నుంచి వారిని బయటకు పంపించారు. అమెరికా ప్రతినిధుల సభ సభ్యురాలు ప్రమిలా జయపాల్ ఇది జాతి వివక్ష అని తీవ్రంగా ఆగ్రహం వ్యక్తం చేశారు. జాతీయ అహంకార ప్రదర్శన తనను తీవ్రంగా బాధించిందని, దీపావళి ఒక ముఖ్యమైన పండుగ అని, సురక్షిత వాతావరణంలో దానిని జరుపుకునే హక్కు సమాజానికి ఉందని ఆమె అన్నారు…మాజీ వైట్ హౌస్ సలహాదారు అజయ్ జైన్ భూటోరియా కూడా దీనిని ఖండించారు. జాతి వివక్ష వ్యాఖ్యలు, కుట్ర సిద్ధాంతాల ద్వారా అమెరికా హిందువులు, భారతీయ వలసదారులను లక్ష్యంగా చేసుకోవడం సరికాదన్నారు. ముఖ్యంగా, మధ్యంతర ఎన్నికల్లో ట్రంప్ ఓటమికి భారతీయులే కారణమని ఆయన మద్దతుదారులు ఆరోపిస్తున్నారని, అందువల్లే ఈ నిరసన జరుగుతోందని ఆయన తెలిపారు.
భారతీయులకు వ్యతిరేకంగా నినాదాలు చేస్తూ నిరసన తెలిపిన వారిలో ఒకరిగా ట్రంప్ మద్దతుదారు జాక్ లాంగ్‌ను గుర్తించారు. గతంలో ఆయన వైట్ రీప్లేస్‌మెంట్ సంస్థను నడుపుతున్న సమయంలో నాలుగు సంవత్సరాల జైలు శిక్ష కూడా విధించారు. 2021 జనవరి 6న యూఎస్ క్యాపిటల్‌పై దాడి చేసిన వారిలో జాక్ లాంగ్ కూడా ఒకరు. జైలులో గడిపిన తర్వాత ఆయన క్షమాభిక్ష ద్వారా బయటకు వచ్చారు. అప్పటి నుంచి వలసదారులు, ముస్లింలు, ఇతర వర్గాలకు వ్యతిరేకంగా ఆయన నిరసనల్లో పాల్గొంటున్నారు.
