ఫిల్మ్‌నగర్‌లో ఎలక్షన్‌ హీట్‌. రేపు తెలుగు ఫిల్మ్‌ ఛాంబర్‌ ఆఫ్‌ కామర్స్‌ ఎన్నికలు..!
ఫిల్మ్‌నగర్‌లో ఎలక్షన్‌ హీట్‌. రేపు తెలుగు ఫిల్మ్‌ ఛాంబర్‌ ఆఫ్‌ కామర్స్‌ ఎన్నికలు.
_• మాటలతూటాలు పేలుస్తున్న చిన్న నిర్మాతలు, పెద్ద నిర్మాతలు._
_• ప్రోగ్రెసివ్ ప్యానెల్‌ Vs మన ప్యానెల్‌._
ప్రోగ్రెసివ్ ప్యానెల్‌ను బలపరుస్తున్న అల్లు అరవింద్, సురేశ్ బాబు, దిల్ రాజు.
మన ప్యానెల్‌ను సపోర్ట్ చేస్తున్న చదలవాడ శ్రీనివాసరావు, సి. కళ్యాణ్, ప్రసన్న కుమార్…
టాలీవుడ్‌లో ఎన్నికల వాతావరణం వేడెక్కింది. తెలుగు ఫిల్మ్‌ ఛాంబర్‌ ఆఫ్‌ కామర్స్‌ (TFCC) ఎన్నికలు రేపు జరగనున్న నేపథ్యంలో ఫిల్మ్‌నగర్‌ మొత్తం రాజకీయ వాతావరణం నెలకొంది. బడా నిర్మాతలు, చిన్న నిర్మాతల మధ్య తీవ్ర పోటీ నెలకొనడంతో మాటల తూటాలు పేలుతున్నాయి. బడా నిర్మాతలపై చిన్న నిర్మాతలు ఆగ్రహం వ్యక్తం చేస్తున్నారు. ఎన్నిలక కోసం పనికిమాలిన హామీలు ఇస్తున్నారని వారు మండిపడ్డారు. చిన్న సినిమాలకు అధిక థియేటర్లు, టికెట్ ధరలు పెంచమని హామీలు ఇవ్వాలని డిమాండ్ చేశారు. ఇండస్ట్రీ మొత్తం ఒకరి గుప్పిట్లో ఉందని వారు హాట్ కామెంట్స్ చేశారు…ఈ ఎన్నికల్లో ప్రోగ్రెసివ్ ప్యానెల్కు, మన ప్యానెల్కు మధ్య హోరాహోరీ పోరు సాగుతోంది. పరిశ్రమ అభివృద్ధి, చిన్న నిర్మాతల సమస్యలు, థియేటర్ల నిర్వహణ వంటి అంశాలతో రెండు ప్యానెల్‌లు ప్రచారాన్ని ఉద్ధృతం చేశాయి. ప్రోగ్రెసివ్ ప్యానెల్కు ప్రముఖ నిర్మాతలు అల్లు అరవింద్, సురేశ్ బాబు, దిల్ రాజు బలంగా మద్దతు తెలుపుతున్నట్లు తెలుస్తోంది. ఇక, మన ప్యానెల్కు చదలవాడ శ్రీనివాసరావు, సి. కళ్యాణ్, ప్రసన్న కుమార్ మద్దతుగా నిలుస్తున్నారు. చిన్న నిర్మాతల హక్కులు, సమాన అవకాశాలు, పెద్ద,చిన్న తేడా లేకుండా పరిశ్రమలో న్యాయం జరగాలన్నదే తమ లక్ష్యమని వారు స్పష్టం చేస్తున్నారు. రేపు జరగనున్న TFCC ఎన్నికల్లో ఏ ప్యానెల్‌ విజయం సాధిస్తుందన్నది సినీ వర్గాల్లో ఆసక్తికరంగా మారింది. ఈ ఎన్నికల ఫలితాలు టాలీవుడ్‌ భవిష్యత్తుపై ప్రభావం చూపనున్నాయని పరిశ్రమ వర్గాలు విశ్లేషిస్తున్నాయి.
గమనిక..
A TO Z వార్తలు ఏదైనా..
మాకు సమాచారం అందించండి.
వాట్సాప్..+91 91330 57959
