కాంగ్రెస్, బీజేపీ రెండు పార్టీలను ఢిల్లీ వరకు పరిగెత్తించి కొడతాం..కేటీఆర్

మైనారిటీలకు కాంగ్రెస్ పార్టీ ఇచ్చిన హామీలు ఒక్కటి నెరవేరలేదు

కేసీఆర్ అన్ని చూస్తున్నాడు.. కాంగ్రెస్, బీజేపీ రెండు పార్టీలను ఢిల్లీ వరకు పరిగెత్తించి కొడతాం..కేటీఆర్…

నిర్మ‌ల్ రైతు గ‌ర్జ‌న స‌భ‌లో కేటీఆర్ మాట్లాడుతూ.. స‌మైక్య‌పాల‌న‌లో కాలిపోయే మోటార్లు, పేలిపోయే ట్రాన్స్‌ఫార్మ‌ర్లు, క‌రెంట్ క‌ష్టాలు ఎన్నడూ కూడా రోజుల‌కు 4గంట‌లు క‌రెంట్ వ్య‌వ‌సాయానికి ఇచ్చింది లేదు.. మ‌రి ఆ ప‌రిస్థితి నుంచి కేవ‌లం 6 నెల‌ల లోపే కేసీఆర్ నాయ‌క‌త్వంలో బ్ర‌హ్మాండంగా మ‌న సింగ‌రేణికి కొత్త జీవం పోసి.. బొగ్గు ఉత్ప‌త్తి చేసి విద్యుదుత్ప‌త్తి కేంద్రాలు క‌ట్టి.. క‌రెంట్ ఎక్క‌డుంటే అక్క‌డ కొనుగోలు చేసి తీసుకొచ్చి జ‌న‌రేటర్లు, ఇన్వ‌ర్ట‌ర్లు బంద్ అయి 60 ఏండ్ల క‌రెంట్ క‌ష్టాలు తీర్చి 24 గంట‌లు నాణ్య‌మైన క‌రెంట్ ఇచ్చిన నాయ‌కుడు కేసీఆర్ అని పున‌రుద్ఘాటించారు.
ఏ పార్టీకైనా కార్యకర్తలే ప్రాణవాయువు

నాయకులు పార్టీ నుండి వెళ్లిపోయినా పార్టీని కాపాడిన కార్యకర్తలకు కృతజ్ఞతలు

నాయకులు వస్తుంటారు, వెళ్తుంటారు పార్టీకి అండగా ఉండేది కార్యకర్తలే అని కేటీఆర్ అన్నారు..

మోడీ హృదయంలో తెలంగాణ రాష్ట్రం లేదా?

మహారాష్ట్ర, ఏపీకి కేంద్రం నుండి కరువు బృందాలు వెళ్ళాయి, మరి తెలంగాణకు ఎందుకు రాలేదు?

ఇక్కడున్న బీజేపీ ఎమ్మెల్యేలు, ఎంపీలు ఏం చేస్తున్నారు?

చూసుకుని మురవాలి, పట్టుకుని ఏడవాలి అన్నట్టు ఉంది తెలంగాణలో బీజేపీ ప్రజాప్రతినిధుల పరిస్థితి మారింది…

భార‌త‌దేశంలో రైతు ద‌గ్గ‌ర భూమి శిస్తు పేరు మీద‌, నీటి తీరువా పేరు మీద.. ఇంకో పేరు మీద తీసుకున్న ప్ర‌భుత్వాలున్న‌యి.. ప్ర‌భుత్వానికి క‌ట్టుడే త‌ప్ప రైతుకు ఇచ్చిందేమి లేదు. భార‌తదేశానికి స్వాతంత్ర్యం వ‌చ్చి 80ఏండ్లు అయితుంది.. భార‌త‌దేశంలోనే రైతుకు పెట్టుబ‌డి సాయం చేయాల‌ని ఆలోచ‌న చేసిన మొట్ట‌మొద‌టి ఓకే ఒక్క నాయ‌కుడు ఎవ‌రు..? ఒక్క‌సారి కాదు రెండు సార్లు కాదు.. 11 సార్లు 73 వేల కోట్ల రూపాయ‌లు 11 ద‌ఫాలుగా 11 పంట‌ల‌కు వేసింది కేసీఆర్ దేనికోసం..? ఆ రోజు నాట్లేసే టైం వ‌స్తే మీ ఫోన్‌లో టింగ్ టింగ్‌మ‌ని మోగుతుండే.. మా నిర్మ‌ల్‌లో ఉండే రైతన్న‌ల‌ను అడుగుతున్నా. ఎట్లుండే ఎట్ల‌యింది ప‌రిస్థితి అని ఒక్క‌సారి మీరు ఆలోచించాల‌ని అడుగుతున్నా..

రూ.5 ల‌క్ష‌ల రైతు బీమా తెచ్చిన నాయ‌కుడు..

తెలంగాణ‌లో చిన్న‌, స‌న్న‌కారు రైతులు.. 5 ఎక‌రాలోపున్న‌వాళ్లే 93 శాతం మంది ఉన్నారు. వాళ్లంతా మంచిగుండాలే.. ఎందుకంటే అర ఎక‌రం, ఎక‌రం ఉన్న రైతు ఏమైనా జ‌రుగ‌కూడనిది జ‌రిగి ఇంటి కుటుంబ పెద్ద చ‌నిపోతే ఆ రైతు కుటుంబం ఆగమైత‌ద‌నే బాధ‌తో కేసీఆర్ ప్ర‌పంచంలోనే ఎవ‌రూ తీసుకోని నిర్ణ‌యం తీసుకున్నారు.. రైతు ఎట్లా చ‌నిపోయినా, గుండెపోటుతో, పాముకాటుతో, యాక్సిడెంట్‌తో చ‌నిపోయినా.. ఆ కుటుంబానికి ధీమా ఉండాల‌ని రూ.5 ల‌క్ష‌ల రైతు బీమా తెచ్చిన నాయ‌కుడు కేసీఆర్ అన్నారు.

అంతేకాదు క‌రోనా టైంలో కూడా పండించిన ప్ర‌తీ గింజా కొన్న‌రు. 7-8 వేల కొనుగోలు కేంద్రాలు పెట్టి మీ ఊరూరికి క‌ల్లం ద‌గ్గ‌రికి వ‌చ్చి కొని.. అక్కడి నుంచి వారం , ప‌ది రోజుల్లోప‌ల మీ ఖాతాలో పైస‌లుప‌డేట‌ట్టు చేసింది కేసీఆర్ . అన్నింటికి మించి కృష్ణా, గదావ‌రి న‌దుల్లో ఒక్కొక్క నీటి బొట్టును ఒడిసిప‌ట్టి.. మ‌న చెరువులు బాగు చేయ‌డమే కాదు.. ఆ చెరువులు నింపి వాగుల మీద చెక్ డ్యాములు కృష్ణా, గోదావ‌రిలో నీటిని ఒడిసి ప‌ట్టి, కాళేశ్వ‌రం ప్రాజెక్టు, పాల‌మూరు -రంగారెడ్డి, సీతారామ‌, భ‌క్త రామ‌దాసు, మ‌న ద‌గ్గ‌ర క‌ట్టిన స‌ద‌ర్మాట్ బ్యారేజ్ అయితే ఏంటి… ఇవ‌న్నీ కూడా తొమ్మిదిన్న‌ర‌,ప‌దేండ్ల కాలంలోనే మ‌న హ‌క్కుల‌ను కాపాడ‌టానికి, మ‌న రైతులు, మ‌న వ్య‌వ‌సాయాన్ని నిల‌బెట్టేందుకు కేసీఆర్ బ్ర‌హ్మాండంగా నాడు మ‌న కోసమో ఈ కార్య‌క్ర‌మాలు చేశార‌ని మీకు తెలుసున‌న్నారు..