ఐపీఎల్‌లో పంజాబ్‌ కింగ్స్‌ ఓటమనేదే లేకుండా దూసుకెళ్తోంది. బ్యాటింగ్.. బౌలింగ్ విభాగాల్లో సమష్ఠిగా విరుచుకుపడుతుండడంతో ప్రత్యర్థి జట్లు బెంబేలెత్తుతున్నాయి. ఇదే తరహాలో గురువారం ముంబై ఇండియన్స్‌ను వారి సొంత మైదానంలోనే 7 వికెట్ల తేడాతో చిత్తు చేసింది. పేసర్‌ అర్ష్‌దీప్‌ (3/22) పదునైన బౌలింగ్‌కు.. ప్రభ్‌సిమ్రన్‌ (39 బంతుల్లో 11 ఫోర్లు, 2 సిక్సర్లతో 80 నాటౌట్‌), కెప్టెన్‌ శ్రేయాస్‌ (35 బంతుల్లో 5 ఫోర్లు, 4 సిక్సర్లతో 66) హాఫ్‌ సెంచరీలు తోడయ్యాయి. ప్రస్తుతం పంజాబ్‌ 9 పాయింట్లతో టాప్‌లో ఉండగా.. అటు ముంబైకి ఐదు మ్యాచ్‌ల్లో ఇది వరుసగా నాలుగో ఓటమి. ముందుగా బ్యాటింగ్‌కు దిగిన ముంబై 20 ఓవర్లలో 6 వికెట్లకు 195 పరుగులు చేసింది. సీజన్‌లో తొలి మ్యాచ్ ఆడిన ఓపెనర్‌ డికాక్‌ (60 బంతుల్లో 8 ఫోర్లు, 7 సిక్సర్లతో 112 నాటౌట్‌) అజేయ శతకం సాధించగా, నమన్‌ ధిర్‌ (31 బంతుల్లో 3 ఫోర్లు, 3 సిక్సర్లతో 50) మాత్రమే సహకరించాడు. ఆ తర్వాత ఛేదనలో పంజాబ్‌ 16.3 ఓవర్లలో 3 వికెట్లకు 198 పరుగులు చేసింది. ఘజన్‌ఫర్‌కు రెండు వికెట్లు దక్కాయి. ప్లేయర్‌ ఆఫ్‌ ద మ్యాచ్‌గా అర్ష్‌దీప్‌ సింగ్‌ నిలిచాడు…
పాండ్యా మ్యాచ్ అనంతర మాట్లాడుతూ..
“నిజం చెప్పాలంటే, ప్రస్తుతానికి నేను పెద్దగా ఏమీ చెప్పదలుచుకోలేదు. మనం ఎక్కడ వెనుకబడి ఉన్నామో తెలుసుకోవడానికి పునఃసమీక్షించుకోవాల్సిన అవసరం ఉందని నేను భావిస్తున్నాను. అది వ్యక్తుల విషయంలోనా? జట్టుగానా? ప్రణాళిక విషయంలోనా? మేం దాన్ని పరిష్కరించుకుని, తర్వాత ఏం చేయగలమో చూస్తాం,” అని మరో మనోస్థైర్యాన్ని దెబ్బతీసిన ఓటమి తర్వాత పాండ్యా అన్నారు.
లేదు, మనం కొన్ని కఠినమైన నిర్ణయాలు తీసుకోవాలా లేక ఇలాగే కొనసాగిస్తూ పరిస్థితులు చక్కబడతాయని ఆశించాలా అని చూడాలి. ఇవి కొన్ని కఠినమైన ప్రశ్నలు, వీటికి చివరికి మనం సమాధానం చెప్పాల్సి ఉంటుంది. అవును, బాధ్యత తీసుకోవాలి.
ఆటలోని అన్ని విభాగాలలోనూ ఆతిథ్య జట్టు కంటే ప్రత్యర్థి జట్టు తెలివిగా వ్యవహరించిందని పాండ్యా ప్రశంసించారు.
మనం వాళ్ళను కూడా అభినందించాలని నేను అనుకుంటున్నాను. బంతి రివర్స్ స్వింగ్ అవ్వడం మొదలైంది. రెండో ఇన్నింగ్స్‌లో మంచు కురవడంతో పరిస్థితి కొంచెం మెరుగుపడింది, అయినప్పటికీ వాళ్ళు మమ్మల్ని పూర్తిగా అధిగమించారు. వాళ్ళు బాగా బౌలింగ్ చేశారు, బాగా బ్యాటింగ్ చేశారు, కచ్చితంగా ఫీల్డింగ్ కూడా బాగా చేశారు. ఈ విషయం మరోసారి మాపై ప్రభావం చూపుతుంది..
