రబీ సీజన్ లో 148 లక్షల మెట్రిక్ టన్నుల ధాన్యం దిగుబడి.. మంత్రి ఉత్తమ్ కుమార్ రెడ్డి.

సూర్యాపేట జిల్లా.

రబీ సీజన్ లో 148 లక్షల మెట్రిక్ టన్నుల ధాన్యం దిగుబడి.

హుజుర్ నగర్ లో రామస్వామి గట్టు వద్ద ఉన్న ఐటిఐ కాలేజీ , ఇందిరమ్మ మోడల్ కాలనీ సందర్శించి అనంతరం మార్కేట్ కమిటీ కార్యాలయంలో ఆయాన ధాన్యం కొనుగోలు కేంద్రాన్ని ప్రారంభించారు…

ఈ సందర్భంగా మంత్రి ఉత్తమ్ కుమార్ రెడ్డి మాట్లాడుతూ రబి సీజన్ లో ధాన్యం కొనుగోలుకు గాను రాష్ట్ర వ్యాప్తంగా 8,251 ధాన్యం కొనుగోలు కేంద్రాలను ఏర్పాటు చేయడంతో పాటు 16 కోట్లకు పై చిలుకు గన్ని బ్యాగులను సిద్ధం చేసినట్లు ఆయన తెలిపారు…గడిచిన ఖరీఫ్ సీజన్ లో రాష్ట్రంలో దిగుబడి అయిన మొత్తం యావత్ భారత దేశంలోనే సరికొత్త రికార్డ్ నమోదు చేసుకుందన్నారు..

అదే సమయంలో రాష్ట్ర ప్రభుత్వం 72 లక్షల మెట్రిక్ టన్నుల ధాన్యం కొనుగోలు చేయడమే కాదు కొనుగోలు చేసిన ధాన్యానికి 48 గంటల్లో చెల్లింపులు చేసిన ఘనత రాష్ట్ర ప్రభుత్వానికి దక్కిందన్నారు.

రాష్ట్ర వ్యాప్తంగా కొనుగోలు కేంద్రాలను ప్రారంభించడానికి పూర్తి స్థాయిలో ఏర్పాట్లు పూర్తి అయ్యాయన్నారు.

ప్రభుత్వం కొనుగోలు చేస్తున్న ధాన్యానికి మద్దతు ధర కల్పించామని సన్నాలకు క్వింటా ఒక్కింటికి 2,389 రూపాయలతో పాటు అదనంగా 500 బోనస్,సాధారణ రకానికి 2,369 రూపాయలు చెల్లించ నున్నట్లు ఆయన తెలిపారు.

రాష్ట్ర ప్రభుత్వం కొనుగోలు వ్యవస్థను బలోపేతం చేస్తోందని, ప్రతీ రైతుకు ధాన్యం కొనుగోలు చేసిన 48 గంటలలోపు చెల్లింపులు జరిగేలా చర్యలు తీసుకుంటున్నామని తెలిపారు.

తెలంగాణలో రబీ వరి ఉత్పత్తి 148 లక్షల మెట్రిక్ టన్నులను మించనున్న నేపథ్యంలో, భారీ దిగుబడిని సమర్థవంతంగా నిర్వహించి రైతులు నష్టపోకుండా పూర్తి స్థాయిలో కొనుగోలు ఏర్పాట్లు చేసినట్లు వెల్లడించారు.

రాష్ట్రవ్యాప్తంగా మొత్తం 8,251 వరి కొనుగోలు కేంద్రాలు (PPCలు) ఏర్పాటు చేయబడుతున్నాయని, వీటికి ఆధునిక మౌలిక వసతులు, తగిన నిల్వ సదుపాయాలు, సక్రమ రవాణా సౌకర్యాలు కల్పిస్తున్నామని తెలిపారు.

కొనుగోలు చేసిన వరి నిల్వ, రవాణా కోసం 16 కోట్లకు పైగా గన్నీ సంచులు ఇప్పటికే అందుబాటులో ఉంచామని చెప్పారు.

ప్రతి కొనుగోలు కేంద్రాన్ని ఒక అధికారి పర్యవేక్షణలో ఉంచి రోజువారీ కొనుగోలు, నాణ్యత తనిఖీలు, సమయానికి చెల్లింపులు, పారదర్శకతను నిర్ధారించనున్నట్లు తెలిపారు.

వరి కొనుగోలు కేంద్రాలకు ధాన్యం రవాణాలో ఎలాంటి అవరోధాలు ఉండకూడదని మంత్రి స్పష్టం చేశారు. అన్ని జిల్లాల్లో కొనుగోలు కేంద్రాల ప్రారంభాన్ని వేగవంతం చేయాలని అధికారులను ఆదేశించారు.

రైతులకు నేరుగా ప్రయోజనం చేకూరేలా కోత పూర్తయిన వరిని సులభంగా కేంద్రాలకు చేరవేయాలని సూచించారు.

అనధికార మార్గాల్లో ధాన్యం మళ్లింపును నివారించేందుకు కఠిన పర్యవేక్షణ చర్యలు అమలులో ఉన్నాయన్నారు.

పార్బాయిల్డ్‌ (ఉడికించిన) బియ్యం కొనుగోలుకు సంబంధించి కస్టమ్‌ మిల్డ్‌ రైస్‌ (CMR) పథకంలో ఎదురవుతున్న సమస్యలపై కూడా మంత్రి స్పందించారు.

కేంద్ర ప్రభుత్వం ఉడికించిన బియ్యం కోటాను తగ్గించగా, ఫుడ్‌ కార్పొరేషన్‌ ఆఫ్‌ ఇండియా (FCI)కి సరఫరా చేసే బియ్యంలో బ్రోకెన్‌ రైస్‌ శాతం విషయంలో కఠిన నిబంధనలు అమలు చేయడం వల్ల రైస్‌ మిల్లర్లు ఇబ్బందులు ఎదుర్కొంటున్నారని చెప్పారు.

నాణ్యత ప్రమాణాలను పాటించడం కష్టంగా మారిందని మిల్లర్లు తెలియజేసినట్లు వెల్లడించారు.
ఈ సమస్యలను రాష్ట్ర ప్రభుత్వం, మిల్లర్లు, కేంద్ర ఆహార మంత్రిత్వ శాఖతో సమన్వయం చేసుకుని పరిష్కరిస్తామని మంత్రి హామీ ఇచ్చారు.

రైతులు మరియు మిల్లర్ల ప్రయోజనాలను కాపాడేందుకు ఈ అంశాన్ని కేంద్ర ప్రభుత్వ దృష్టికి బలంగా తీసుకెళ్తామని తెలిపారు.

వరి కొనుగోలు పురోగతిని సమీక్షించేందుకు త్వరలో ముఖ్యమంత్రి స్థాయి సమీక్ష సమావేశం నిర్వహించనున్నట్లు మంత్రి తెలిపారు.

గత ఖరీఫ్‌ సీజన్‌లో రాష్ట్ర ప్రభుత్వం సుమారు 72 లక్షల మెట్రిక్ టన్నుల వరి కొనుగోలు చేసి చరిత్ర సృష్టించిందని గుర్తుచేశారు. స్వతంత్ర భారతదేశంలో ఏ రాష్ట్ర ప్రభుత్వం ఒకే సీజన్‌లో ఇంత భారీ స్థాయిలో కొనుగోలు చేయడం ఇదే మొదటిసారి అని పేర్కొన్నారు.

ఆ ఖరీఫ్‌ సీజన్‌లో రైతుల ఖాతాల్లో రూ. 19,500 కోట్లకు పైగా నేరుగా జమ చేసినట్లు తెలిపారు.
రాబోయే రబీ సీజన్‌లో మరొక రికార్డు సాధించే దిశగా కొనుగోలు వ్యవస్థను మరింత మెరుగుపరుస్తున్నామని మంత్రి తెలిపారు. లాజిస్టిక్స్‌, నిల్వ, గన్నీ సంచుల పంపిణీ, నాణ్యత పర్యవేక్షణ వంటి అంశాలను పూర్తిగా సిద్ధం చేస్తున్నామని చెప్పారు.

రాష్ట్ర సరిహద్దుల వద్ద ధాన్యం కదలికలపై కట్టుదిట్టమైన నిఘా ఏర్పాటు చేస్తామని మంత్రి స్పష్టం చేశారు. ఇతర రాష్ట్రాల నుంచి వచ్చే ధాన్యాన్ని తెలంగాణ కొనుగోలు కేంద్రాలకు అనుమతించబోమని తెలిపారు.

మొత్తం పంటకాలంలో రాష్ట్రానికి కేటాయించిన నదీ జలాలను సమర్థవంతంగా వినియోగించి పంటలకు సాగునీటి సరఫరా అందించినట్లు మంత్రి తెలిపారు.

తెలంగాణకు చెందిన నదీ జలాల హక్కుల విషయంలో ఎలాంటి రాజీ ఉండదని, అన్ని వేదికలపై రాష్ట్ర హక్కుల కోసం పోరాటం కొనసాగిస్తున్నామని ఆయన పునరుద్ఘాటించారు.
మార్కెట్ కమిటీ చైర్మన్ రాధికా అరుణ్ కుమార్ దేశముఖ్ మున్సిపల్ చైర్మన్ దొంతగాని శ్రీనివాస్, వైస్ చైర్మన్ మల్లికార్జున్ జిల్లా కలెక్టర్ తేజస్ నందాలాల్ పవార్, ఎస్.పి నరసింహ స్థానిక ఆర్ డి ఓ తదితరులు ఈ కార్యక్రమంలో పాల్గొన్నారు.