అమెరికాలో కొత్త ప్రభుత్వం కొలువుదీరిన వేళ తన ఆహార్యంతో అందరి దృష్టిని ఆకర్షించారు ఉషా వాన్స్ (Usha Vance). నూతన ఉపాధ్యక్షుడు జేడీ వాన్స్ సతీమణి, భారత సంతతి మహిళ అయిన ఆమె గురించి తెలుసుకొనేందుకు అమెరికన్లు ఆసక్తి చూపిస్తున్నారు..
ఉషా వాన్స్ గురించి తెలుసుకునేందుకు నెట్టింట జల్లెడ పడుతున్నారు. ఉషా వాన్స్ ఏ మతాన్ని ఆచరిస్తారు. ఆమెకు పౌరసత్వం సహా వ్యక్తిగత విషయాలు తెలుసుకోవాలనే ఉత్సుకతతో ఆన్‌లైన్‌ సెర్చింగ్ చేస్తున్నారు. ఈ క్రమంలోనే మాగా (మేక్ అమెరికా గ్రేట్ అగైన్).. సోషల్ మీడియా వేదికగా ఉషా వాన్స్‌పై తీవ్ర జాత్యహంకర వ్యాఖ్యలు, పోస్టులకు దిగుతోంది. ఇప్పుడు ఈ విషయం తీవ్ర దుమారం రేపుతోంది. అమెరికా ఉపాధ్యక్షుడి భార్య, ఆ దేశ సెకండ్ లేడీ పట్ల కొందరు ప్రవర్తిస్తున్న తీరు తీవ్ర విమర్శలకు తావిస్తోంది.
ఉషా చిలుకూరి అమెరికాలో కాలిఫోర్నియాలోని శాండియాగో ప్రాంతంలో పుట్టి పెరిగిన తెలుగమ్మాయి. యేల్‌ యూనివర్సిటీ నుంచి చరిత్రలో బ్యాచిలర్‌ డిగ్రీ పొందారు. కేంబ్రిడ్జి విశ్వవిద్యాలయం నుంచి తత్వశాస్త్రంలో మాస్టర్స్ పూర్తి చేశారు. న్యాయ విభాగంలో సుదీర్ఘ కాలం పనిచేశారు. యేల్‌ లా స్కూల్‌లోనే ఉషా, జేడీ వాన్స్ (JD Vance) తొలిసారి కలుసుకున్నారు. ఈ క్రమంలోనే పరస్పరం ఇష్టపడ్డారు. 2014లో కెంటకీలో వారు వివాహం చేసుకున్నారు. హిందూ సంప్రదాయంలో వీరి వివాహం జరగడం విశేషం. ఈ దంపతులకు ముగ్గురు సంతానం. భర్త విజయంలో ఉష కీలక పాత్ర పోషించారు. తన కెరీర్‌లో అడుగడుగునా ఆమె అండగా ఉంటుందని వాన్స్ గతంలో వెల్లడించారు. భర్త క్రిస్టియానిటీ, ఆమె హిందూ మతాన్ని అనుసరిస్తున్నారు..
అమెరికా అధ్యక్షుడి ప్రమాణ స్వీకారానికి ముందు వాషింగ్టన్‌లోని సెయింట్ జాన్స్ చర్చ్‌లో అమెరికా ఉపాధ్యక్షుడిగా ఎన్నికైన జేడీ వాన్స్ ఆయన సతీమణి ఉషా వాన్స్ ప్రార్థనలు చేశారు. ఇక జనవరి 20వ తేదీన జరిగిన ప్రమాణ స్వీకారం సందర్భంగా జేడీ వాన్స్ భార్య ఉషా వాన్స్.. బాగా పాపులర్ అయ్యారు. అమెరికా సెకండ్ లేడీగా ఎన్నికైన తొలి భారత అమెరికన్ ఆమె కావడం గమనార్హం. అయితే అమెరికా చారిత్రలోనే మైలురాయిగా నిలిచే ఈ సంఘటన జరిగిన వేళ.. ఉషా వాన్స్ హిందుత్వాన్ని అనుసరించడం, ఆమెపై జాత్యహంకర వ్యాఖ్యలు సోషల్ మీడియాలో తీవ్ర ఇబ్బందికరమైన పరిణామాలను లేవనెత్తాయి.
జేడీ వాన్స్ ప్రమాణ స్వీకారం తర్వాత ఉషా వాన్స్ గురించి గూగుల్ సెర్చ్ చేయడం అమాంతం పెరిగిపోయింది. ఉషా వాన్స్ మతం, ఆమె పౌరసత్వం, ఆమె మత విశ్వాసాలు, బ్యాక్‌గ్రౌండ్ తెలుసుకునేందుకు అమెరికన్లు తెగ శోధించారు. జేడీ వాన్స్‌కు కెరీర్‌లో అన్ని రకాలుగా సపోర్ట్ ఇచ్చిన ఉషా వాన్స్.. భారతీయ వారసత్వం, హిందూ విశ్వాసాలు.. జేడీ వాన్స్ ప్రసంగంలో పేర్కొన్నారు.
ఈ క్రమంలోనే అమెరికన్లకు అవకాశాలు దక్కాలనే ప్రచారం సాగిస్తున్న మేక్ అమెరికా గ్రేట్ అగైన్-మాగాకు చెందిన సోషల్ మీడియా ప్లాట్‌ఫామ్‌లలో చాలా మంది జేడీ వాన్స్ హిందూ విశ్వాసాలు, జాత్యహంకార దాడులు మొదలుపెట్టారు. వారు పెట్టే పోస్ట్‌లు, కామెంట్లు.. జేడీ వాన్స్ మతాన్ని కించపరిచేలా ఉన్నాయి. వాన్స్ అంటే క్రిస్టియన్ అని తాను అనుకున్నట్లు ఒకరు ట్వీట్ చేశారు. “మా పూర్వీకులు వారి సమాధులలో పడి ఉన్నారు” అని మరొకరు కామెంట్ చేశారు. “క్రీస్తు అంటే రాజు అని.. అది భారతీయ విగ్రహం కాదు” అని ఇంకొకరు పేర్కొన్నారు. “త్వరలో వైట్ హౌస్‌లో ఆవు ఉంటుందా?” అంటూ తీవ్ర అసభ్యకరమైన, దారుణమైన వ్యాఖ్యలు చేస్తున్నారు. ఇలాంటి వ్యాఖ్యలు వారికి హిందూ మతంపై, భారతీయ సంస్కృతి పట్ల ఉన్న అసహనాన్ని తెలియజేస్తున్నాయి…
