అత్యంత శక్తివంతమైన యుద్ధ విమానాలలో చైనాకు చెందిన J-20 ఒకటి. ఈ విమానం ప్రస్తుతం ఇరాన్‌లో ఉన్నట్లు సమాచారం రావడంతో అమెరికా ఉలిక్కిపడింది…అమెరికా అధ్యక్షుడు డొనాల్డ్ ట్రంప్, ఇరాన్‌పై ఒత్తిడి పెంచడానికి పర్షియన్ గల్ఫ్ ప్రాంతంలో రెండు భారీ విమానవాహక నౌకలను (USS జెరాల్డ్ ఆర్. ఫోర్డ్ మరియు USS అబ్రహం లింకన్) ఇప్పటికే మోహరించారు.
అధునాతన J-20 యుద్ధ విమానం: అమెరికా తన నౌకలను పంపిన తరుణంలోనే, చైనా సైనిక అధికారి ఒకరు ఇరాన్ వైమానిక దళాధిపతికి చైనా అధునాతన J-20 యుద్ధ విమానం యొక్క నమూనాను (Model) బహుమతిగా ఇచ్చారు.
అమెరికాకు సవాలు: ప్రస్తుతం ప్రపంచంలో అమెరికాకు చెందిన F-22 Raptor మరియు F-35 Lightning II అత్యంత శక్తివంతమైనవి. వీటికి సవాలు విసిరే ఏకైక విమానం చైనా J-20. అయితే, ప్రస్తుతం ఇరాన్‌కు ఇచ్చింది కేవలం ‘మోడల్’ మాత్రమే, అది ఎగరదు. చైనా ఈ విమానాలను అంత తొందరగా వేరే దేశాలకు ఇవ్వదు. కానీ, ఈ నమూనాను బహుమతిగా ఇవ్వడం వెనుక.. చైనా ఇరాన్‌కు అండగా ఉంటుందనే సంకేతం ఉందని నిపుణులు భావిస్తున్నారు.
ఇరాన్‌కు చైనా సహాయం: చైనా ఇప్పటికే ఇరాన్‌కు డ్రోన్లు, క్షిపణి సాంకేతికత, రాడార్లు మరియు గగనతల రక్షణ వ్యవస్థలను అందించింది. ముఖ్యంగా HQ-9B సుదూర క్షిపణి వ్యవస్థ, YLC-8B రాడార్లు మరియు హైపర్సోనిక్ సామర్థ్యం గల DF-17 బాలిస్టిక్ క్షిపణులను కూడా చైనా ఇచ్చింది. అమెరికాకు చెందిన F-35 విమానాలను కూడా గుర్తించగల శక్తివంతమైన రాడార్లు ఇప్పుడు ఇరాన్ వద్ద ఉండటం అంతర్జాతీయంగా చర్చకు దారితీసింది..
