హుజూర్‌నగర్ మున్సిపాలిటీ నూతన కమిషనర్‌కు ఘన స్వాగతం..
హుజూర్‌నగర్ మున్సిపాలిటీ నూతన కమిషనర్‌గా బాధ్యతలు స్వీకరించిన సందర్భంగా ప్రత్యేక కార్యక్రమం నిర్వహించారు. మున్సిపల్ చైర్మన్ దొంతగాని శ్రీనివాస్ గౌడ్‌తో పాటు కౌన్సిలర్లు, మున్సిపల్ అధికారులు పాల్గొని నూతన కమిషనర్‌కు శుభాకాంక్షలు తెలిపారు. ఈ సందర్భంగా పట్టణ అభివృద్ధి, పారిశుద్ధ్యం, తాగునీటి సరఫరా, మౌలిక వసతుల కల్పన, ప్రజా సమస్యల పరిష్కారంలో సమన్వయంతో పనిచేయాలని ఆకాంక్షించారు. పట్టణ ప్రజలకు మెరుగైన సేవలు అందించేందుకు మున్సిపల్ పాలకవర్గం, అధికారులు కలిసి పనిచేస్తారని పేర్కొన్నారు. కార్యక్రమంలో పలువురు కౌన్సిలర్లు, మున్సిపల్ సిబ్బంది పాల్గొని నూతన కమిషనర్‌కు అభినందనలు తెలియజేశారు.
