భారతదేశం పట్ల స్నేహపూర్వక వైఖరిని సూచిస్తూ, ఆందోళనలను తగ్గించే ప్రయత్నంలో, పర్యటనలో ఉన్న అమెరికా విదేశాంగ మంత్రి మార్కో రూబియో మంగళవారం మాట్లాడుతూ, ఈ సుంకాలు “భారతదేశాన్ని శిక్షించడానికి” ఉద్దేశించినవి కావని , అలాగే వీసా ఆంక్షలు ఆ దేశాన్ని “లక్ష్యంగా చేసుకోలేదని” అన్నారు.
ప్రత్యేక ఇంటర్వ్యూలో , భారత్-అమెరికా వాణిజ్య ఒప్పందం “అత్యంత సమీపంలో” ఉందని రూబియో అన్నారు. ఇరు దేశాలు ఏడాదిన్నర కాలంగా చర్చలు జరుపుతున్నాయి….మనం చాలా దగ్గరలో ఉన్నామని నేను అనుకుంటున్నాను. నేను చెప్పేదేమిటంటే, దీన్ని ఖరారు చేయడానికి మనకు నెలలు కాదు, వారాల సమయం మాత్రమే పడుతుంది. 99 శాతం పని పూర్తయిందని నేను భావిస్తున్నాను. మిగిలిన భాగాన్ని 100 శాతం పూర్తి చేయాల్సి ఉంది. కానీ ఇది పయనిస్తున్న తీరు పట్ల నేను చాలా సానుకూలంగా ఉన్నాను,” అని ఆయన అన్నారు.వివాదాస్పద అంశాల వివరాల్లోకి నేను వెళ్లాలనుకోవడం లేదు. అది ఉందని మాత్రమే నేను మీకు చెప్పగలను. వాటిని నేను సాంకేతిక అంశాలు అనను, కానీ అది భాషకు సంబంధించినది. ప్రాథమికంగా ఇది కొన్ని పదాల అర్థాలు, కొన్ని పదబంధాల అర్థాల మీద ఆధారపడి ఉంటుంది,” అని ఆయన అన్నారు.నేను ఇంతకు ముందు కూడా అలాగే భావించాను. ఇలాంటి ఒప్పందాలతో ప్రతి చిన్న వివరాన్ని ప్రకటించడానికి ముందే పూర్తిగా అంగీకరించడం చాలా ముఖ్యం. ఇంతటి ప్రాధాన్యం ఉన్న సంబంధాన్ని, ఒప్పందం ఇంకా ఖరారు కాకుండానే ప్రకటించి ప్రమాదంలో పడేయలేం. కానీ ఇది అత్యంత సమీపంలో ఉంది. పరిష్కరించాల్సిన కొన్ని సాంకేతిక వివరాల దగ్గర మనం ఉన్నామని అనుకుంటున్నాను. సాంకేతిక వివరాలు చాలా ముఖ్యం. ఎందుకంటే అక్కడ ఒక ఒప్పందం కుదరాలి, ఆ భాషకు ఒకే అర్థం వచ్చేలా రెండు పక్షాలు అంగీకరించాలి. కాబట్టి, అది ఆ స్థాయికి చేరుకుంది” అని ఆయన చెప్పారు..
