నెలల తరబడి ఉక్రెయిన్ డ్రోన్ దాడులు చమురు శుద్ధి కర్మాగారాలను దెబ్బతీసి, సరఫరాకు అంతరాయం కలిగించడంతో రష్యా అపారమైన ఇంధన కొరతను ఎదుర్కొంటోంది. దీని ఫలితంగా ఇంధన రేషనింగ్, పెట్రోల్ బంకుల వద్ద పొడవైన క్యూలు మరియు అనేక ప్రాంతాలలో ధరలు పెరగడం వంటివి చోటుచేసుకున్నాయి…
అంతర్జాతీయ మార్కెట్‌కు అతిపెద్ద చమురు ఎగుమతిదారుగా ఉన్న రష్యా, ప్రస్తుతం చరిత్రలోనే ఎన్నడూ లేని విధంగా తీవ్రమైన ఇంధన కొరతను ఎదుర్కొంటోంది. దేశంలోని ప్రధాన నగరాల నుంచి గ్రామీణ ప్రాంతాల వరకు పెట్రోల్ బంకుల వద్ద కిలోమీటర్ల మేర వాహనాలు బారులు తీరుతున్నాయి. ఇంధనం కోసం ప్రజలు గంటల తరబడి వేచి చూడాల్సిన పరిస్థితి ఏర్పడగా, అనేక ప్రాంతాల్లో బంకులు పూర్తిగా ఖాళీ అయిపోయాయి. ఈ సంక్షోభాన్ని అధిగమించడానికి రష్యా ఏకంగా భారతదేశం నుండి పెట్రోల్‌ను దిగుమతి చేసుకోవడం ప్రారంభించినట్లు అంతర్జాతీయ మీడియా కథనాలు వెల్లడిస్తున్నాయి. రష్యా అధ్యక్షుడు వ్లాదిమిర్ పుతిన్ సైతం దేశంలో ఇంధన కొరత ఉన్న విషయాన్ని స్వయంగా అంగీకరించడం ఈ సమస్య తీవ్రతకు అద్దం పడుతోంది..
ఉక్రెయిన్ జరిపిన డ్రోన్ దాడుల వల్ల రష్యా రిఫైనరీల సామర్థ్యం 20 నుండి 30 శాతం వరకు పడిపోయింది. ముడి చమురు ఉన్నప్పటికీ, దానిని శుద్ధి చేసే కేంద్రాలు దెబ్బతినడం, యుద్ధ రంగానికి ఇంధనం మళ్లించడం మరియు వేసవి డిమాండ్ పెరగడం వల్ల రష్యాలో తీవ్రమైన ఇంధన సంక్షోభం ఏర్పడింది…
రష్యాలో ఇంధన కొరత తీవ్రమైంది. ఉక్రెయిన్ డ్రోన్ దాడుల కారణంగా దేశంలోని రిఫైనరీలు దెబ్బతిన్నాయి. ఫలితంగా 83 ప్రాంతాలలో ఇంధన రేషనింగ్ అమల్లోకి వచ్చింది. రవాణా స్తంభించి, వ్యవసాయ రంగం తీవ్రంగా దెబ్బతింది.
