భారత్‌లో ఆరోగ్య సంక్షోభంపై WHO హెచ్చరిక.
WHO గ్రేడ్-3 ఎమర్జెన్సీ ప్రకటన.
భారత్‌ను హైరిస్క్ జాబితాలో చేర్చిన WHO.
2027 సెప్టెంబర్ వరకు ఎల్‌నినో ప్రభావం.
సాధారణం కంటే తక్కువ వర్షపాతం.
రికార్డు స్థాయిలో పెరగనున్న ఉష్ణోగ్రతలు.
ఎండలతో డీహైడ్రేషన్, వడదెబ్బ ముప్పు.
డెంగ్యూ, మలేరియా వంటి వ్యాధులు ప్రబలే ప్రమాదం.
గుండె, కిడ్నీ, శ్వాసకోశ రోగులకు అధిక ముప్పు.
పంటల దిగుబడి తగ్గి ఆహార సంక్షోభం వచ్చే అవకాశం.
ఆరోగ్య రంగాన్ని అప్రమత్తం చేయాలన్న WHO..
WHO Report: India worn
ఎల్ నినో ప్రభావం ప్రజారోగ్యంపై తీవ్ర ప్రభావం చూపే అవకాశం ఉందని ప్రపంచ ఆరోగ్య సంస్థ హెచ్చరించింది. ముఖ్యంగా ఇండియాలో ఈ ప్రభావం తీవ్రంగా ఉండే అవకాశాలున్నాయని డబ్ల్యుహెచ్ వో పేర్కొంది. అసాధారణ ఉష్ణోగ్రతలు, సమతుల్యత లేని వర్షపాతం ప్రజారోగ్యంపై ప్రభావం చూపుతాయని పేర్కొంది. ఈ పరిస్థితిని ఎదుర్కొనేందుకు అంతర్జాతీయ స్థాయిలో అత్యున్నత స్థాయి అత్యవసర స్పందన ప్రణాళికను డబ్ల్యుహెచ్ వో ప్రకటించింది.
వాతావరణ పరిస్థితుల ఆధారంగా ఆరోగ్యంపై పడే దుష్ప్రభావాలను విశ్లేషించిన డబ్ల్యూహెచ్‌ఓ, అధికంగా ఆరోగ్య ముప్పు ఎదుర్కొనే దేశాలలో ఇండియాను కూడా చేర్చింది. అలాగే బంగ్లాదేశ్, భూటాన్, నేపాల్, శ్రీలంక మాల్దీవులలో కూడా ఇదే ప్రజారోగ్యం ప్రమాదంలో పడే అవకాశం ఉందని హెచ్చరించింది. ఎల్ నినో నేరుగా వ్యాధుల వ్యాప్తికి కారణం కాదు కానీ, వాతావరణంలో ఏర్పడిన, ఏర్పడుతున్న విపరీత మార్పులు, కరవు పరిస్థితుల కారణంగా ప్రజారోగ్యానికి ప్రమాదం ఏర్పడే పరిస్థితులు ఉత్పన్నమౌతాయని ప్రపంచ ఆరోగ్య సంస్థ హెచ్చరించింది.
ఈ ముప్పును ఎదుర్కొనేందుకు డబ్ల్యూహెచ్‌ఓ రూపొందించిన ప్రణాళికలో భాగంగా, వ్యాధుల కట్టడి, సకాలంలో గుర్తింపు, వైద్య సిబ్బందికి శిక్షణ, ఆసుపత్రులలో మౌలిక వసతుల కల్పన, దేశాల మధ్య సమన్వయం వంటి అంశాలపై దృష్టి సారించింది. ఇందు కోసం నిధులను కేటాయించి, ప్రాథమిక దశలోనే ముందస్తు నివారణ చర్యలు చేపట్టాలని లక్ష్యంగా పెట్టుకుంది. భారత్‌లో ఎల్‌నినో ప్రభావం వల్ల తలెత్తబోయే ప్రధాన సమస్యలలో తీవ్రమైన వడగాలులు మొదటి స్థానంలో ఉన్నాయి. ఉష్ణోగ్రతలు అసాధారణంగా పెరగడం వల్ల డీహైడ్రేషన్, వడదెబ్బ తగలడంతో పాటు గుండె, శ్వాసకోశ, మూత్రపిండాల సంబంధిత వ్యాధులతో బాధపడేవారి సంఖ్య పెరుగుతుందని హెచ్చరించింది. ముఖ్యంగా చిన్నారులు, వృద్ధులు, దీర్ఘకాలిక రోగులు, ఎండలో నిత్యం పనిచేసే శ్రామికులు ఈ వడగాలుల బారిన పడే ప్రమాదం ఎక్కువగా ఉందని వైద్య నిపుణులు ఆందోళన వ్యక్తం చేస్తున్నారు..ఆసుపత్రులలో తగినన్ని మందులు, ఓఆర్ఎస్ ప్యాకెట్లు, అత్యవసర వైద్య పరికరాలు అందుబాటులో ఉంచాలని, గ్రామీణ ప్రాంతాల్లో తాగునీటి శుద్ధిపై ప్రత్యేక నిఘా పెట్టాలని కోరింది. ప్రజలను ఎండ తీవ్రత నుంచి రక్షించేందుకు ముందస్తు అవగాహన కార్యక్రమాలు చేపట్టడం ద్వారా ప్రాణనష్టాన్ని గణనీయంగా తగ్గించవచ్చని నిపుణులు అభిప్రాయపడుతున్నారు..
