న్యూజిలాండ్‌తో జరిగిన నాలుగో టీ20లో భారత జట్టుకు ఘోర పరాజయం ఎదురైంది. గ్లెన్ ఫిలిప్స్ (107; 49 బంతుల్లో 6 ఫోర్లు, 10 సిక్సర్లు), మైకేల్‌ బ్రేస్‌వెల్‌ (65; 25 బంతుల్లో 4 ఫోర్లు, 6 సిక్సర్లు) విధ్వంసక ఇన్నింగ్స్‌లతో చెలరేగడంతో తొలుత న్యూజిలాండ్ 20 ఓవర్లలో 7 వికెట్లకు 259 పరుగుల భారీ స్కోరు సాధించింది. లక్ష్య ఛేదనలో భారత బ్యాటర్లు తడబడటంతో 20 ఓవర్లలో 9 వికెట్లకు 172 పరుగులకే పరిమితమైంది. దీంతో కివీస్ 87 పరుగుల తేడాతో విజయం సాధించింది. ఐదు మ్యాచ్‌ల సిరీస్‌లో భారత్‌ ఆధిక్యం 3-1కి తగ్గింది.
వరుసగా 3 మ్యాచుల్లో ఓడిన న్యూజిలాండ్ జట్టు, నాలుగో టీ20లో టీమిండియాపై ఘన విజయం అందుకుంది. న్యూజిలాండ్ విధించిన 260 పరుగుల లక్ష్యఛేదనలో భారత జట్టు 20 ఓవర్లలో 9 వికెట్లు కోల్పోయి 172 పరుగులకు పరిమితమైంది. 87 పరుగుల భారీ తేడాతో న్యూజిలాండ్ ఘన విజయం అందుకుంది.
మొదటి బంతికి ఫోర్ బాదిన సంజూ శాంసన్, రెండో బంతికి అవుట్ అయ్యాడు. ఇషాన్ కిషన్ డకౌట్ అయ్యాడు. శ్రేయస్ అయ్యర్ 11 బంతుల్లో 4 ఫోర్లతో 22 పరుగులు చేసి అవుట్ అయ్యాడు. అభిషేక్ శర్మ 15 బంతుల్లో 3 ఫోర్లు, ఓ సిక్సర్‌తో 27 పరుగులు చేసి పెవిలియన్ చేరాడు.
అక్షర్ పటేల్ 7 పరుగులు చేయగా నితీశ్ కుమార్ రెడ్డి 10 బంతుల్లో 2 సిక్సర్లతో 21 పరుగులు చేశాడు. నమన్ ధీర్ 13 బంతుల్లో 2 ఫోర్లు, 2 సిక్సర్లతో 28 పరుగులు చేయగా అర్ష్‌దీప్ సింగ్ గోల్డెన్ డకౌట్ అయ్యాడు…
భారత జట్టు విజయానికి ఆఖరి 3 ఓవర్లలో 109 పరుగులు కావాల్సి రావడంతో న్యూజిలాండ్ విజయం ఖరారైపోయింది. 35 బంతుల్లో ఓ ఫోర్, 3 సిక్సర్లతో 35 పరుగులు చేసిన తిలక్ వర్మ, ఓటమి అంతరాన్ని తగ్గించగలిగాడు. ప్రిన్స్ యాదవ్ 18, మయాంక్ యాదవ్ 3 పరుగులు చేశారు…
టాస్ ఓడి తొలుత బ్యాటింగ్ చేసిన న్యూజిలాండ్ జట్టు, నిర్ణీత 20 ఓవర్లలో 7 వికెట్ల తేడాతో 259 పరుగుల భారీ స్కోరు చేసింది. మొదటి ఓవర్ ఆఖరి బంతికి టిమ్ సిఫర్ట్‌ను అవుట్ చేశాడు మయాంక్ యాదవ్. 5 పరుగులకే తొలి వికెట్ కోల్పోయింది న్యూజిలాండ్ జట్టు. డార్ల్ మిచెల్ 9 బంతుల్లో 2 ఫోర్లు, 2 సిక్సర్లతో 24 పరుగులు చేసి మయాంక్ యాదవ్ బౌలింగ్‌లో ఎల్బీడబ్ల్యూగా పెవిలియన్ చేరాడు.
ఫిన్ ఆలెన్ 17 బంతుల్లో 2 ఫోర్లు, 2 సిక్సర్లతో 31 పరుగులు చేయగా బేవన్ జాకబ్స్ 7 బంతుల్లో 7 పరుగులు చేసి అవుట్ అయ్యాడు. 112 పరుగుల వద్ద నాలుగో వికెట్ కోల్పోయింది న్యూజిలాండ్. ఆ తర్వాత గ్లెన్ ఫిలిప్స్, మైఖేల్ బ్రాస్‌వెల్ కలిసి ఐదో వికెట్‌కు 40 బంతుల్లో 115 పరుగుల రికార్డు భాగస్వామ్యం నెలకొల్పారు.
న్యూజిలాండ్ పర్యటనలో టీమిండియాకు తొలి ఓటమి ఎదురైంది. ఆక్లాండ్‌లో జరిగిన నాలుగో టీ20 మ్యాచులో భారత్‌ను.. ఆతిథ్య కివీస్ 87 పరుగుల తేడాతో ఓడించింది. ఈ మ్యాచులో తొలుత బ్యాటింగ్ చేసిన న్యూజిలాండ్.. ఫిలిప్స్ సెంచరీతో 259/7 పరుగుల భారీ స్కోరు చేసింది. అనంతరం భారత్‌ను 172/9కి కట్టడి చేసింది. ఈ మ్యాచ్ తర్వాత ఈ సిరీస్‌లో టీమిండియా 3-1తో ఆధిక్యంలో ఉంది..
ఇన్నింగ్స్ మూడో ఓవర్ నుంచే న్యూజిలాండ్‌కు ఊపు వచ్చిందని, మయాంక్ యాదవ్ ఓవర్లో డేరిల్ మిచెల్ 20 పరుగులు రాబట్టం మ్యాచ్ స్వరూపాన్ని మార్చేసిందని అయ్యర్ చెప్పుకొచ్చాడు. సెంచరీతో చెలరేగిన గ్లెన్ ఫిలిప్స్ బ్యాటింగ్‌ను అయ్యర్ ప్రశంసలతో ముంచెత్తాడు. “గ్లెన్ ఫిలిప్స్ కొట్టిన షాట్లు అద్భుతం. ఈ సిరీస్‌లో అతడు నిలకడగా రాణిస్తున్నాడు, అతడి నుంచి నేర్చుకోవాల్సింది చాలా ఉంది. బౌలింగ్‌లో మేం మరో 20-30 పరుగులు తక్కువగా ఇచ్చి ఉంటే బాగుండేది” అని వ్యాఖ్యానించాడు.
మరోవైపు టీమిండియా స్పిన్ బౌలింగ్ కోచ్ సాయిరాజ్ బహుతులే విలేకరుల సమావేశంలో మాట్లాడుతూ.. 260 పరుగుల భారీ లక్ష్యాన్ని ఛేదించే క్రమంలో పవర్ ప్లేలోనే టాప్-4 వికెట్లు కోల్పోవడం మ్యాచ్‌ను తీవ్రంగా దెబ్బతీసిందని అభిప్రాయపడ్డాడు. రాత్రి 8 గంటలకు మ్యాచ్ ప్రారంభమయ్యే సమయానికి విపరీతమైన గాలులు వీచాయని చెప్పాడు. వాతావరణ పరిస్థితులకు తగ్గట్లు బౌలింగ్, బ్యాటింగ్‌లో ప్రణాళికలు పూర్తిగా అమలు చేయలేకపోయామని అంగీకరించాడు. అయితే ఈ లోపాలను సరిదిద్దుకుని ఆదివారం హ్యామిల్టన్‌లో జరగబోయే ఆఖరి టీ20లో మళ్లీ విజయం సాధిస్తామని ధీమా వ్యక్తం చేశాడు.
