విజయ్ ఇంటికి నటి త్రిష..
ఉదయం తిరుమలలో త్రిష ప్రత్యేక పూజలు.. తిరుమల నుంచి నేరుగా చెన్నై వెళ్లిన త్రిష..
అసెంబ్లీ ఎన్నికల ఫలితాల్లో టీవీకే ప్రభంజనం.. విజయ్‌కి అభినందనలు తెలిపిన త్రిష..
ఇవాళ త్రిష బర్త్ డే.
తమిళ్ స్టార్ హీరో దళపతి విజయ్ తమిళనాడు రాజకీయాల్లో సంచలనం సృష్టించాడు. ఏ పార్టీతో పొత్తులేకుండా సింగిల్ గా పోటీ చేసి తన పార్టీ అభ్యర్థులను ఒంటి చేత్తో గెలిపించాడు. తాజాగా వెలువడిన తమిళనాడు ఎన్నికల ఫలితాల్లో విజయ్ టీవీకే 110 స్థానాల్లో ముందంజలో దూసుకువెళ్తోంది. దాంతో తమిళనాడు వ్యాప్తంగా టీవీ కార్యకర్తలు సంబరాలు చేసుకుంటున్నారు. ఈ నేపథ్యంలో ఇప్పుడు నటి త్రిష కృష్ణన్ చేసిన పని నెట్టింట వైరల్‌గా మారింది. 2026 తమిళనాడు అసెంబ్లీ ఎన్నికల ఫలితాల్లో విజయ్ తన ‘TVK’ పార్టీతో అద్భుత విజయం సాధించిన వేళ విజయ్ ఇంటికి వెళ్ళింది..ఈ రోజు త్రిష పుట్టినరోజు. తన 43వ పుట్టినరోజును పురస్కరించుకుని ఈ ఉదయం తిరుమల వేంకటేశ్వర స్వామిని దర్శించుకున్నారు. స్వామివారి ఆశీస్సులు తీసుకున్న వెంటనే చెన్నైలోని విజయ్ నివాసానికి చేరుకున్నారు. విజయ్ రాజకీయంగా చరిత్రాత్మక విజయం సాధించిన తరుణంలో విజయ్ ను కలిసి శుభాకాంక్షలు తెలపడం ఇప్పుడు చర్చనీయాంశమైంది. విజయ్ రాజకీయ పార్టీ పెట్టినప్పటి నుంచి త్రిష ఆయనకు మద్దతుగా నిలుస్తున్నారు. తమిళనాడు ఎన్నికల్లో టీవీకే (TVK) పార్టీ విజయభేరి మోగించిన రోజే త్రిష పుట్టినరోజు కావడం విశేషం. విజయ్ కలవడానికి త్రిష వెళ్లడం వెనుక ఏదైనా రాజకీయ కారణం ఉందా లేక కేవలం స్నేహపూర్వక భేటీనా అని ఇప్పుడు చర్చనీయాంశం అయింది. విజయ్ తన భార్యకు ఇటీవల విడాకులు ఇచ్చారు. అప్పటి నుండి విజయ్ – త్రిషల టాపిక్ తమిళ నాట హాట్ టాపిక్ అయింది. నేడు తన బర్త్ డే అలాగే విజయ్ పార్టీ గెలుపొందడంతో సెలబ్రేషన్స్ డబుల్ రేంజ్ లో ఉంది త్రిష.
